2021年香港會有2次連放4日的假期，等疫情回落就是時候全家出動遊日本了！不過帶小朋友出遊從來都不是件容易的事，尤其要符合小朋友的喜好，同時又要滿足大人們的需要，實在十分考驗大家的技巧！不過不用擔心，「樂吃購！日本」已經幫大家準備好4日3夜東京自由行的行程懶人包，只要跟著行動，保證大人小朋友都能玩得開心！

▋4日就夠，2021年免請假東京親子自由行 Timing

連同星期六日的話，2021年連放4天的假期有2個，包括農曆新年初一至初四（2月12日至2月15日）、復活節（4月2日至4月6日）。如果請一天假的話，七一（7月1日至7月4日）及重陽節（10月14日至10月17日）也能請1放4。事不宜遲！今次「樂吃購！日本」就為大家設計了帶仔女自由行的4日3夜行程，台場、淺草、上野、池袋，幾個熱門人氣地點都有，去靚景影全家福、浸溫泉、入動物園玩甚至要 shopping全部都兼顧到！行程不用plan，照住玩就「搞掂」!

▋落機第一件事：出市區、去酒店

識住一定住上野！

圖片來源：PhotoAC

「樂吃購！日本」記者建議可選在上野附近落腳。貪其夠方便，無論是要往來機場或前往行程內的其他景點都十分方便，而且車站附近就有勁多餐廳同舖頭，食住行都照顧到，便利程度滿分！

認住個「京」字，來往成田／羽田機場都無難度

前往羽田機場的京急空港線
圖片來源：PhotoAC

京成上野站

► 羽田機場「8個字」出到上野

如果大家是在羽田機場落機的話，需要轉一次車。
・　搭「京急本線」到品川站→JR「山手線」或「上野東京LINE」到上野站
・　車費490日圓
・　需時大概32-40分鐘

► 成田機場去上野其實不用1個鐘

如果大家是於成田機場落機，可以有兩個選擇，都不用轉車：
①　用時間換錢：
・　搭「京成本線特急」到京成上野站
・　車費1,050日圓
・　需時大概1個半小時
②　用錢買時間：
・　搭「京成線SkyLiner」到上野站
・　車費2,520日圓
・　需時大概50分鐘
兩者除了價錢跟時間上的差別，有一個更大的分別就是：人流，SkyLiner 相對較鬆動，如果大家行李多又怕無位坐，建議大家給多一點錢，搭 SkyLiner。 尤其是帶小朋友同行，還是坐可以指定坐席的 SkyLiner 比較穩陣！

▋跟住玩唔駛煩！4日3夜東京遊景點+路線介紹

Day 1：成田機場／羽田機場→上野→台場

► 台場

在酒店放好行李、辦好入住手續之後，就捉緊時間出發去玩啦～第一站一於去食玩買都有的台場吧！台場有 Legoland、幻視藝術館同海灘，可以讓細路仔放電，附近還有四個大型商場：Aqua City、DiverCity、DECKS 以及 Venus Fort，基本上要買、要吃，甚至需要娛樂都可以全部在台場範圍內解決。小朋友一定鍾意的獨角獸高達燈光 Show同台場夜景都值得一睇！最後可以去「台場大江戶溫泉物語」浸個溫泉叉叉電，穿上浴衣體驗江戶時代的慶典氣氛，大人小朋友都一樣興奮呀！

小朋友跟爸爸都會喜歡的獨角獸高達燈光 Show！

超靚的台場夜景！